Մեծ Բրիտանիայում բրիտանացի առցանց երկու ակտիվիստների նկատմամբ ԱՄՆ-ն պատժամիջոցների կիրառումից հետո ԱՄՆ նախագահ Դոնալդ Թրամփի վարչակազմին մեղադրել են «ահաբեկման մարտավարության» և խորհրդարանականների խոսքի ազատությունը խաթարելու մեջ, գրում է PA Media-ն։

Լեյբորիստական ​​կուսակցության նախկին խորհրդական, թվային ատելության դեմ պայքարի կենտրոնի (CCDH) տնօրեն Իմրան Ահմեդին և Մեծ Բրիտանիայում գործող «Գլոբալ ապատեղեկատվության ինդեքսի» (GDI) ղեկավար, Օքսֆորդի շրջանավարտ Քլեր Մելֆորդին արգելել են մուտք գործել ԱՄՆ։ Թրամփի վարչակազմը հայտարարել է, որ պատժամիջոցներին կարող են հաջորդել հետագա գործողություններ, որոնք հնարավոր է՝ թիրախավորեն գործող քաղաքական գործիչներին կամ պաշտոնյաներին։

Պատժամիջոցների տակ գտնվող անձինք մասնակցել են առցանց ապատեղեկատվության և ատելության խոսքի դեմ պայքարի արշավներում, սակայն ԱՄՆ պետքարտուղար Մարկո Ռուբիոն հայտարարել է, որ նրանք գլխավորում են ամերիկյան հարթակներին ամերիկացիների տեսակետները քարոզելու համար պատժելու ջանքերը», գրում է լրատվամիջոցը։ 

Մեծ Բրիտանիայի կառավարությունը հայտարարել է, որ «լիովին հանձնառու է» խոսքի ազատությանը և աջակցում է «օրենքներին և հաստատություններին, որոնք աշխատում են համացանցը զերծ պահել ամենավնասաբեր բովանդակությունից»։ Վաշինգտոնում բնակվող Ահմեդը, որը կապեր ունի Լեյբորիստական ​​կուսակցության բարձրաստիճան գործիչների հետ, նախկինում Հյուսիսային Իռլանդիայի հարցերով ներկայիս պետքարտուղար Հիլարի Բենի խորհրդականն է եղել, երբ վերջինս ստվերային արտգործնախարար էր։